Ferjemannskap er leie av uhøflege passasjerar. No kjem ti reglar som skal gjera ferjeturen til ei betre oppleving for både passasjer og kontrollør.
Det kan fort gå ei kule varmt for ferjepassasjerar som opplever at bommen går ned akkurat idet dei kjem ned til kaien. No innfører både Fjord1 og Norled ferjevettreglar for at dei tilsette om bord skal unngå å bli kjefta huda full. Illustrasjonsfoto: Henrik M. Andreassen
NPK
Oppdatert:
– Me vil auka kompetansen blant våre reisande slik at folk oppfører seg annleis mot våre tilsette, seier Rebecca Liset i Fjord1 til NRK.
Også Norled har bestemt seg for å la reglane rulla over skjermane sine, stadfestar hovudtillitsvald Ilja Vasiljevs i Norled. Han trur det kan bidra til at passasjerar tenker seg om før dei tek til å skjella ut dei tilsette om bord.
For dei tilsette på ferja er ikkje framande for å bli kjefta huda full. NRK har tidlegare skrive om Simon-Emiil Waage som har jobba som kaibillettør på Sognefjorden i to somrar og fått høyra ei rekke ukvemsord.
– Eg har blitt kalla idiot, eg har fått skulda for at folk ikkje rekk ferja, og eg har blitt kalla nazist, fordi eg bad ein bil om å venta til neste avgang.
– Men om desse reglane vil endra haldningane til folk, vil berre tida visa, seier Vasiljevs.
