Fargeløp i sentrum
Bastian Svendby Løvstad og Victoria Sivertsen sprang fargeløp i Leirvik sentrum.
På laurdag formiddag kunne du sjå ein heil haug med fargar i Leirvik. Årsaka var Stord folkehøgskule sitt årlege fargeløp.
Avtroppande rektor på folkehøgskulen, Torunn Laurhammer, har vore med på løp før. Difor har ho eit par sko som er i bruk kvar gong det er fargeløp.
Fargeløpet er blitt til ein årleg tradisjon på folkehøgskulen.
Kven som helst kan vera med på løpet, men det er flest elevar ved skulen som deltek.
Under løpet samlar ein inn pengar til Leger Uten Grenser og Mental Helse Stord/Fitjar.
Chancy Nd Richmond og Rich Mon Genetiano spring og tek selfiar samstundes.
Løpet er ingen konkurranse. Ein spring eller går så mange rundar rundt skulen som ein vil.
Medan andre sprang, selde Lars Abotnes, Kari Fischer og Karsten Lerum kaker og pølser.